القمة العربية

قمة العرب
الدول العربية عاوزة تعمل قمةبس سبحان اللة المرة دة ممن يبقى كذا قمة ممكن يبقوا تلاتة
الطب اتقدم واللة قطر هتسضيف واحدة مش عارف من امتة قطر بقت حامية العروبة والوطنية والاحرار فاجئة كدة
مع ان عندهم اكبر قاعدة امريكية فى المنطقة اللى اضرب بيها العراق اللى على ما اعتقد وعلى ما اظن انها دولة عربية
ولا بينى نسيت ومصر بقت اصل الخيانة وسوريا وحزب اللة وقطر رمز الصمود واللى بيسعدوا الفلسطينين
حزب اللة الابن الشرعى لحركة امل الشيعية اللى ارتكبت مجزرة من افظع المجازر حق الفلسطينين فى لبنان واغتصبوا النساء
وسوريا كمان ليها مجزرة لا تقل فظاعة عن مجزرة حركة امل ومصر اللى عمرها معملت كدة بقت خاينة
سبحان اللة ونصراللة اللى عاوزنا نحارب وندافع عن الفلسطينين انا معاك يا سيد حسن بس مش لازم تقودنا او على الاقل حرر بقيت ارضك بالسلاح اللى عندك
بدل مارعبت بية بلدك واحتليت عاصمتك وسوريا الاسد وعاشت القومية العربية هو مش تقرييا الجولان لسة محتل والدولة بتمارس القمع ضد اى معارض
وفى النهاية مش عارف حتى لو عملوا القمة العربية وحضرها كل الرؤساء هتبقى مختلفة عن اللى قبلها
ماعملوا القمة فى بيروت وقت الحر واية الى حصل

وتحيا القومية العربية

غزة تحت النيران

شــــــــــــهداء غزة
ياترى تارهم عند مين عند اللاسرائيليين ولا عند فتح ولا عند حماس
مش عارف بيطلوبا من العرب انها تحارب بدلهم ويخدوا موقف اذا كان
هما نفسهم مش عارفين يخدوا موقف اصحاب القضية والمسئوليين عنهم
رقم واحد بيلقوا الاتهامات على بعض والناس الغلابة دامها بيسيل وكل
حاجة مصر زى ميكون مصر هيا اللى بتقتلهم مش معنى كدة انى موافق
على الموقف المصرى فى حاجات كتير بس اكتر دولة بتساعد كل الباقى
بيتكلم ان كان نصراللة لعبة ايران عاوز الجيش يثور على الدولة والشعب
يفتح المعبر ونروح نحارب اسرائيل اشمعنا احنا مهو يقدر يمطر اسرائيل
بالصواريخ فى لحظة وعاوزنا نعمل زى معمل مع شعبة خرج الميليشيا
الللى المفروض تخرج على المحتل بس واحتل بيروت ودمر تلفزيونات
ومبانى كان احتلال عسكرى بمعنى الكلمة لبيروت هيا دى العروبة والنخوة
وسريا اللى بتزايد ولحد النهاردة مش عارفة تحرر ارضها ولما اسرائيل
قصفتها بالطيارات مقدرتش ترد ولو بصاروخ على اسرائيل وبيزيدوابالكلام
بس والمشكلة فى غزة ان القيادات مش بتضر فى حاجة انا اللى نفسى اعرفه
بتوع حماس والقيادات اللى كانت بتتطلع فى التلفزيون كل واحد حوالاة حرس
ولا كانة جيش كانوا مش لاقيين يكلوا زى الشعب
انا شخصيا معرفش
اللة اعلم

بس تار الشهدا عند مين